منتدى كلية الحقوق أكادير - أيت ملول


العودة   منتدى كلية الحقوق أكادير - أيت ملول > الجامعة القانونية المغربية > المنهجية القانونية

المنهجية القانونية منهجية الكتابة القانونية

إضافة رد
 
أدوات الموضوع
قديم 11-25-2017, 02:53 PM   #1
FSJES AGADIR
Super Moderator
 
الصورة الرمزية FSJES AGADIR
 
تاريخ التسجيل: Nov 2011
المشاركات: 14,849
Toptopic طريقة الحفظ والاستعداد للإمتحانات بالدرجة



طريقة الحفظ والاستعداد للإمتحانات بالدرجة

مع إقتراب موسم الإمتحانات أقترح عليكم هذا المنشور الذي سوف يساعد الكثير من طلبة في الحفظ السهل خصوصا الاشخاص الذين يجدون مشاكلفي تراكم دروس وعدم قدرة على حفظ هذه طريقة سهلة وجد عملية وصراحة اعمل بها منذ سنتين والحمد الله اعطت اكلها.
أكبر العوائق لي غادا تخليك تمل وتكره الدراسة الجامعية هي كثرة المحتوى لي مطلوب منك دخلو لدماغك بحيث أن كل مادة كتشمل عدد كبير جدا من الدروس ومع أن المواد كاينين بزاف فأكيد إلي كونتي بحالي من النوع لي قليل فين كيقرا دوروسو غادي تلقا راسك حاصل وسط جبال من الدروس لي غادي تختابر فيهوم والي كونتي محافظ والو أضيق بيك الدنيا وتكره القرايا ( و علي ود قضية الحفظ درت هاد البوسط باش نشارك معاكوم أفضل طريقة ممكن أنك تراجع بيها كم كبير من الدروس فوقت قصير وتعقل عليهوم مدى الحياة.

الخطوة الأولى : نتا عندك كتاب أمامك عامر بالمعلومات أسهل طريقة باش تبدا فيه هي تمشي تقرا الفهرس وتشوف ما أنت مقبل عليه وتحاول تسجل فالذاكرة ديالك فصول الكتاب مثلا عدنا كتاب فيه 6 فصول وكل فصل كيشمل 5 دروس هنا نتا غادي تعرف أولا كيفاش التقسيم ديال الكتاب وثانيا غادي تعرف عدد الدروس فكل فصل وهادشي كامل غادي يخليك تحس بأن الكتاب ساهل حيتاش عرفتي الخريطة ديالو ويمكليك تقراه فصل بفصل .

الخطوة الثانية : أحسن حاجة يمكليك ديرها بعد الإطلاع علي خريطة الكتاب هي تمشي للفصل الأول وتقرا العناوين ديال الدروس لي فيه باش تعرف عليهوم وحبذا لو أنك تقرا أيضا المحاور لي كاينة فكل درس فداك الفصل الأول باش تاخد فكرة علي الدروس وكون علي يقينأنه بعد القيام بهاد العملية غادي يبقا يباليك الكتاب ساهل و فالمستطاع ديالك ..

الخطوة الثالثة : هي تمشي لأول 2 دروس وتبدا تقراهوم فقط غي دوز عليهوم بالقراية و من بعد مدة من الراحة رجع قراهوم بتمعن وحاول دون النقاط المهمة فقط .. قيد داكشي بأسلوبك الخاص في ورقة ويكون مختصر قدر الإمكان و بقا ضرب طليلة علي ديك الورقة لي قاديتي وكن متأكد أن داكشي لي فيها غادي يترسخ فدماغك لأنك نتا لي قلبتي عليه فالكتاب ودونتيه بالطريقة ديالك


الخطورة الرابعة : هي أنك بعد مراجعة الورقة حوال فاش تكون جالس تبدا تراجع داكشي غي فنفسك يعني حاول تبدا دور دوك المعلومات غي فالدهن ديالك علي طريقة اليوغا هههههه

الخطوة الخامسة : جبد ورقة خاوية وستيلو وبدا تعصر دماغك وتكتب داكشي لي كونتي كتراجعو كتب أي حاجة تفكرتيها حتا تلقا راسك مابقا ليك ماتزيد ديك الساعة توقف وجبد الورقة السحرية لي كونتي حاط فيها المعلومات و قارنها مع الورقة لي عمرتيها بداكشي لي عندك فدماغك وشوف واش المعلومات متطابقة و إلي كانت شي حاجة نسيتيها رجع تفكرها من جديد وعاود جبد ورقة بيضاء أخرى وعاود نفس العملية حتا تلقا راسك مزگلتي تاحاجة ديك الساعة عرف راسك راك قادر دوز الإمتحان بلا مشاكيلهاد الطريقة أتفيدك بزاف حيتاش من خلالها غادي تمرن علي إسترجاع الدروس و مغاديش تشعر بالملل لأنك كتقوم بمجموعة من العمليات ماشي بحال الطريقة التقليدية ديال حل الكتاب وبدا تحفظ من أول سطر وكأنه القرآن !! زيد عليها أنك غادي تبدا تعلم كيفاش تبدا تكتب النصوص المقالية علي عكس الشخص لي كيحفظ بالطريقة التقليدية بمجرد ما ينسا كلمة او جملة وحدة يمكن يتخربق وميعرفش يجيب شي حاجة من راسو باش يكمل النص المقالي ديالو .

FSJES AGADIR غير متواجد حالياً   رد مع اقتباس
إضافة رد

الكلمات الدليلية
للإمتحانات, الدفع, بالدرجة, والاستعداد, طريقة

أدوات الموضوع



الساعة معتمدة بتوقيت جرينتش . الساعة الآن 11:04 AM